Það hefur sýnt sig að skilyrði til að fara um borð í flugvél eru ekki nógu skilvirk og örugg til að stöðva för óæskilegra farþega.

Mælt er með að flugfarþegar séu ávalt með vegabréf sitt meðferðis svo þeir geti sannað á sér deili hvenær sem krafist er. Innan Schengen er ekki krafist að framvísa vegabréfi en þess er krafist að hafa meðferðis persónuskilríki. Brottfararspjald er skilda til að geta farið um borð. Það geta orðið mannleg mistök og afleiðingarnar geta verið bæði stórvægilegar eða minniháttar.

Lífkenni kemur upp um flugfarþega

Samstarf flugfélagsins Lufthansa og Amadeus hefur leitt til nýs skanna sem notar lífkenni (biometric) við innritun flugfarþega.

Ferlið er þannig að teknar eru myndir af andliti farþegans. Myndirnar fara síðan í gegnum sérstakan gagnagrunn sem ber kennsl á viðkomandi á nokkrum sekúndum. Ef allt er með felldu er farþeganum hleypt um borð í flugvélina, án þess að hafa notað vegabréf eða brottfararspjald. Hugmyndin er að auka öryggi og skilvirkni við innritun en með kerfinu væri hægt að innrita 350 manns á 20 mínútum.

Alþjóðlegi flugvöllurinn Los Angeles prófaði kerfið með góðum árangri.