Nýmiðlar og stafræn samskipti
útgefið

Skynsöm fyrirtæki vita að nýmiðlar og stafræn samskipti snúast um að ná fram viðhorfsbreytingu og nánara sambandi við viðskiptavininn. Viðhorfsbreyting er einn af lykilþáttunum sem stuðlar að hjartahlutdeild, þ.e. ánægjulegri upplifun og reynslu af vörum og þjónustu fyrirtækisins. Þessi hlutdeild fæst einungis með því að gera sér grein fyrir hegðun viðskiptavina á net- og samfélagsmiðlum.

Með þessa vitneskju að vopni ná fyrirtæki markmiðum sínum. Þar komum við til sögunnar með beitingu aðferðafræði sem þróuð hefur verið með rannsóknum og óþrjótandi þekkingarþorsta þeirra sem að starfa hjá Cohn & Wolfe. Þannig næst að mynda formgerð samhæfðra boðskipta sem eru í senn frjó og árangursrík.

Við fylgjumst með net- og samfélagsmiðlum í okkar þrotlausu vinnu, af kerfisbundinni þrá, sem eykur skilning okkar á stafrænni hegðun og gefur mikilvæga innsýn í gildis- og verðmætamat neytenda. Við komum auga á tækifæri, við tökum þátt í stafrænum tjáskiptum með efnistökum sem hafa skemmtanagildi. Við miðlum upplýsingum og aukum virðisgildi vöru fyrir viðskiptavini og þannig hlýst aukið vægi á markaði hjartahlutdeildar.

Með nýmiðlum og stafrænum samskiptum hafa átt sér stað stórkostlegar breytingar á landslagi heildrænnar boðmiðlunar. Stafræn samskipti fá sífellt aukið vægi, og sú heimsmynd sem ríkti og einskorðaðist við hina hefðbundnu hliðrænu miðla er óðum að riðlast með síauknu hlutverki stafrænna samskipta í lífi okkar allra.

Við hjá Cohn & Wolfe sköpum fyrirtæki þínu stefnu innan hins stafræna erfðafræðimengis samfélagsmiðlanna og stuðlum þannig að auknum sýnileika þess á netinu.

Vörumerki sem byggð hafa verið upp áratugum saman geta hrörnað á skömmum tíma sé ekki hlúð að þeim, þeim viðhaldið og þau byggð upp á samfélagsmiðlunum, einkum komi upp krísur hjá fyrirtækinu. Vökult auga okkar með umræðunni á net- og samfélagsmiðlum stuðlar að taktískri svörun við tilhæfulausum fullyrðingum sem eru oft rangar eða byggðar á misskilningi.

Snjöll fyrirtæki vita ástæðu þess að þau eru á samfélagsmiðlunum. Þau hafa skilning á tækifærum og áskorunum þeirra, viðhorfum netverja og hvernig stuðla eigi að aukinni þátttöku viðskiptavina sinna bæði í netheimum og í hinu raunverulega lífi.

Nýjast á Úlfaslóð

Um miðlun hins opinbera á upplýsingum og málpípuorgelin

Um miðlun hins opinbera á upplýsingum og málpípuorgelin

Í byrjun ágúst varð deildarstjóri samskiptadeildar Landspítalans, fyrrverandi blaðamaður, fyrir gagnrýni vegna tölvupósts sem sendur var á starfsfólk spítalans sem fjölmiðlar túlkuðu sem tilraun til að hindra samskipti starfsfólksins við fjölmiðlana. Fjölmiðlar tóku þetta eðlilega óstinnt upp en símanúmer Morgunblaðsins og RÚV voru sérstaklega nefnd í tölvupóstinum sem dæmi um símanúmer sem mætti forðast hringingar

smelltu og lestu »
woman in black shirt holding white plastic bottle

Covid-19 jók netnotkun heimsins. Hvað gerðist á Íslandi?

Covid-19 faraldurinn hefur leitt til aukningar á notkun snjalltækja og breyttrar hegðunar fólks á netinu um allan heim. Ísland er engin undantekning en mörg fyrirtæki tóku meðal annars upp heimsendingar, lækkuðu verð og juku úrval vara á netinu svo eitthvað sé nefnt. Þess má geta að 92% landsmanna notuðu Facebook í maí og 70% Youtube

smelltu og lestu »