Umhverfiskúrfa Kuznets

Kuznets kúrfan er hagfræðilegt fyrirbæri, kennd við Simon Kuznet. Hún á að lýsa jöfnuði hjá samfélögum í þróun. Samkvæmt kenningum Simon Kuznet eyskt ójöfnuður með aukinni innkomu þar til ákveðnu hámarki er náð. Með enn aukinni heildarinnkomu eykst jöfnuður aftur.

Í vanþróuðum ríkum sitja fáir að fjárfestingartækifærunum og framboð af ódýru vinnuafli er að jafnaði gott. Þetta skilar sér í háum tekjum til fárra einstaklinga. Þegar innkoman hefur síðan náð ákveðnu marki byrja auknar tekjur að seytla niður til lægri stétta.

Kuznets kúrfan í samhengi við umhverfismál

Kuznets kúrfan hefur verið yfirfærð á umhverfisstjórnun og umræður um umhverfismál. Þá er talað um umhverfiskúrfu Kuznets (e. Environmental Kuznets Curve (EKC)). EKC lýsir þá aukningu í loftmengun samfara aukinni þróun þar til hámarki er náð og enn aukin þróun dregur úr mengun.

Þróun efnahags í Kína hefur verið hröð síðustu áratugi. Borgir hafa iðnvæðst og þær stækkað. Verksmiðjur hafa risið og sprenging hefur orðið í samgöngum. Þetta hefur leitt af sér gríðarlega loftmengun og önnur umhverfisvandamál.

Í mörgum stórborgum í Kína er beinlínis hættulegt að anda að sér loftinu. Vatn hefur spillst og fleiri vandamál blasa við. Börn geta ekki leikið sér útivið og fólk nýtur ekki eðlilegrar útiveru. Þetta á kínversk millistétt erfitt með að sætta sig við.

Kínversk millistétt lætur til sín taka

Millistéttin í Kína er því farin að láta til sín taka í þjóðfélagsmálum. Þetta er stór hópur fólks sem hlotið hefur menntun og gerir kröfur umfram það að geta dregið fram lífið. Kröfurnar snúa m.a. að úrbótum í umhverfismálum.

Nú telja margir fræðimenn og þjóðfélagsrýnar að Kína sé á eða nálægt toppi umhverfiskúrfu Kuznets. Ef rétt reynist ætti að draga úr mengun í kínverskum stórborgum á næstu árum eða hún að standa í stað. Með þrýstingi stækkandi og betur menntaðrar millistéttar aukast líkur á bættu umhverfi.

Deildu:


Viltu meira? Lestu meira

Sendu okkur athugasemd eða fyrirspurn. Ef þú vilt vita meira um efnið eða hefur eitthvað við það að athuga skaltu ekki hika við að hafa samband við okkur. Fylltu út eyðublaðið og sendu okkur línu núna.
Netfangið þitt:
Efni:
Skilaboð:
Hvað er tveir plús tveir (í tölustöfum)?
Allur réttur áskilinn © Cohn & Wolfe Íslandi 2015 | cohnwolfe.com | grey.com | yrgrp.com | wpp.com

Heimilt er að deila og dreifa öllu efni á síðunni sé heimildar getið eða tengill vísi á hana.
Allt efni á síðunnu er á ábyrgð Cohn & Wolfe Íslandi | Meðferð persónuupplýsinga (Privacy Policy) | Kökur (Cookies)