Viðskipti snúast um það að skiptast á einhverju, við einhvern. Við skiptumst á vöru og pening til dæmis. Tilgangur viðskiptanna er að uppfylla markmið þeirra sem skiptast á.

Samskipti á þessu sviði verða að vera formleg vegna þess að óformleg samskipti eru án augljósra markmiða. Formlegt samtal er virðingin í framkvæmd - skiptir ekki máli hvort aðilar séu efnislega sammála eða ekki.

Með formlegum hætti er hægt að skapa grundvöll fyrir eftirtekt. Það er ekki hægt að taka almennilega eftir ef markmið eru óljós og það á auðvitað við um samskipti. Það mætti segja að af þessum ástæðum séu óljós markmið bæði peninga- og tímasóun í viðskiptum.

Taktu eftir. Formlegt samtal: Margar vísbendingar eru að finna um það að formið „samtal“ við fleiri en einn samtímis sé nánast ómögulegt form.

Þetta er einfalt dæmi að skilja: Ef einhver sannindi eru að finna í því að árangur í samskiptum felist m.a. í því að hlusta og skilja þ.e. felist í skilningi á stöðu, vandamálum, þörfum og óskum viðmælanda manns (fyrir utan skilning (innsæið) á óljósum persónulegum tilvistarmarkmiðum viðmælandans) þá má með sanni segja að maðurinn hafi í fleira en mörgu að snúast þá stund samtalið á sér stað. Þetta eitt eykur hættu á að eitthvað fari fyrir ofan og neðan garð hjá manni í samtali sínu við einn viðmælanda: stór hætta er á að mis-skilningur eigi sér stað. Hvað má ætla að gerist ef viðmælendur manns eru fleiri en einn samtímis?

Í raun má ganga út frá því að samtal við fleiri en einn samtímis sé órökrétt og óþarft samtal.

Formlegt samtal er afar erfið stund séu fleiri en einn um að ræða! Krefst margra ára þjálfunar og ekki ljóst hvernig eigi að bera sig að við slíkar aðstæður. Helst má leita í smiðjur þekktra fyrirlesara sem hafa rannsakað á kerfisbundin hátt hvað liggi að baki árangri við slíkar aðstæður. Staðhæfa má að gæði samtals við fleiri en einn samtímis sé ekki fyrir hendi, semsagt notagildi samtalsins verður ekki mikið, jafnvel ekki neitt og allar líkur eru á að það snúist upp í andstöðu sína þ.e. staðan eftir samtal verði mun verri en fyrir samtalið.

Deildu:


Viltu meira? Lestu meira

Sendu okkur athugasemd eða fyrirspurn. Ef þú vilt vita meira um efnið eða hefur eitthvað við það að athuga skaltu ekki hika við að hafa samband við okkur. Fylltu út eyðublaðið og sendu okkur línu núna.
Netfangið þitt:
Efni:
Skilaboð:
Hvað er tveir plús tveir (í tölustöfum)?
Allur réttur áskilinn © Cohn & Wolfe Íslandi 2015 | cohnwolfe.com | grey.com | yrgrp.com | wpp.com

Heimilt er að deila og dreifa öllu efni á síðunni sé heimildar getið eða tengill vísi á hana.
Allt efni á síðunnu er á ábyrgð Cohn & Wolfe Íslandi | Meðferð persónuupplýsinga (Privacy Policy) | Kökur (Cookies)