Samskipti fólks eru grundvallarmál. Þau eru manninum jafn eðlileg og að anda og hreyfa sig. Maðurinn er samskiptadýr. Hann verður að tjá sig og samskipti eru tól mannsins til að komast af.

Sá sem veit að hann á erfitt með að tjá sig leitar aðstoðar, rétt eins og sá sem veit að hann gæti orðið veikur. Hann kann að leita sér aðstoðar, hefur vit og þekkingu á eigin takmörkunum.. Ekki læknar maðurinn sig sjálfur? Bann við notkun almannatengla, sérfræðinga í samskiptum, er líkast því að taka hjólastól af lömuðum manni og skipa honum að ganga. 

Það sama á við um ráðgjöf almannatengslafyrirtækja og lækna. Sérfræðingar á sviði boðmiðlunar eins og Cohn & Wolfe og fleiri fyrirtækja veita ráðgjöf um samskipti. Þeir búa yfir fagþekkingu og reynslu til að vita hvernig á að koma skilaboðum áleiðis. 

Merki um styrk

Það er engin nýlunda að annað slagið kemur upp gagnrýni á almannatengla. Sumum þykir það veikleikamerki leitað er til almannatengils. Þingmenn hafa gagnrýnt kaup ráðherra andstæðra flokka á ráðgjöf sérfræðinga í almannatengslum. Nú síðast sögðu þeir Björn Bjarnason og Páll Winkel að fangar með fjárráð á Kvíabryggju hafi nýtt sér almannatenglafyrirtæki. Það skiptir engu hver á í hlut. Góðgerðarfélög leita líka til almannatengslafyrirtækja með góðum árangri. Fólk á ekki að leita til almannatengslafyrirtækis á fjárhagslegum grunni.  

Sannleikurinn er sá að fjöldi fyrirtækja, stofnana og félagasamtaka nýtir sér almannatengslafyrirtæki. Það gera þeir stjórnendur sem vita hvar gæðin og kunnáttan eru. Hjá almannatengslafyrirtækjum eins og Cohn & Wolfe má finna reynslu í boðmiðlun, sérfræðinga í samskiptum. Þeir vita hvenær á að tjá sig, um hvað og ekki síst hvernig á að tjá sig. 

PR notað til allra verka

Gagnrýni á störf almannatengla er óþolandi atvinnurógur. Við getum ekki unað við slíka gagnrýni. Hvað gengur gagnrýnendum til? Sá sem gagnrýnir með þessum lúalega hætti afvegaleiðir þann sem gæti hugsanlega – eða hefur þegar – nýtt sér þjónustu almannatengslafyrirtækis. Hann gerir lítið úr viðkomandi í stað þess að setja hann á stall með þeim sem vita og kunna. Það má hugsa sér að gagnrýnandinn ætli sér að slá vopn úr höndum andstæðinga sinna. Vopnið er almannatengillinn. Svo veit kannski enginn hvort gagnrýnandinn sjálfur er með einn slíkan í sinni þjónustu.

Auðvitað vitum við að samskiptatæki almannatengsla hafa verið notuð til illra verka. En það á við svo margt fleira. Mun fleiri nýta sér þjónustu almannatengslafyrirtækja til að auka gæði samskipta. 

Almannahagsmunir í húfi

Gagnrýni hefur því miður leitt til þess að stofnanir sem vilja bæta samskipti sín við borgarana þora ekki að ráða almannatengslafyrirtæki til að aðstoða við samskiptin og koma skilaboðum sínum áleiðis. Það hefur neikvæð áhrif á þá sem þurfa að fá upplýsingar um starfsemi þeirra. Bann við kaupum á þjónustu sérfræðinga hjá almannatengslafyrirtækjum varðar því almannahag. 

Líta verður á þá gagnrýni á almannatengsl að það sé neikvætt að nýta sérfræðiþekkingu innan almannatengslafyrirtækis sem  tilraun til þöggunar. Gagnrýnin gerir lítið úr fagmennsku og þekkingu þeirra sem starfa við almannatengsl. Gagnrýnendur sem þessir hafa sjálfir eitthvað að fela. Gagnrýnin er tilraun rökþrota fólks gegn þeim sem veit betur og vill gera hlutina vel.

Ertu nógu sterk/ur?

Ef þú hlustar á gagnrýnisraddirnar þá skaltu halda kjafti. Vertu stilltur og láttu berja á þér. Ekki tjá þig. Ef þú bugast þá verður bara að hafa það. Farðu í felur, í versta falli úr landi. Ekki tjá þig. Gagnrýnendur almannatengla mæla með þögninni. Að þú haldir þig í myrkrinu og segir ekki neitt. Nema þú sért svo heppinn að hafa sjálf/ur þekkingu sem þarf til að koma því á framfæri sem þú vilt með góðu móti.

Þetta er úreldur hugsanaháttur. 

Leitaðu frekar til sérfræðinga á sviði boðmiðlunar. Almannatengla. Þeir geta hjálpað þér. Kíktu í kaffi til Cohn & Wolfe og fáðu upplýsingar um það sem við höfum upp á að bjóða.

Ekki láta láta þagga niður í þér. Þú veist betur. Opin og góð samskipti bera meiri ávöxt en þögnin. 

Deildu:


Viltu meira? Lestu meira

Sendu okkur athugasemd eða fyrirspurn. Ef þú vilt vita meira um efnið eða hefur eitthvað við það að athuga skaltu ekki hika við að hafa samband við okkur. Fylltu út eyðublaðið og sendu okkur línu núna.
Netfangið þitt:
Efni:
Skilaboð:
Hvað er tveir plús tveir (í tölustöfum)?
Allur réttur áskilinn © Cohn & Wolfe Íslandi 2015 | cohnwolfe.com | grey.com | yrgrp.com | wpp.com

Heimilt er að deila og dreifa öllu efni á síðunni sé heimildar getið eða tengill vísi á hana.
Allt efni á síðunnu er á ábyrgð Cohn & Wolfe Íslandi | Meðferð persónuupplýsinga (Privacy Policy) | Kökur (Cookies)