Neytendur meta mest fyrirtæki sem eru með sterkar rætur, gagnsæ, sannverðug, hafa góða sögu að segja og fela ekkert fyrir viðskiptavinum sínum. Þetta er á meðal þess sem fram kemur í umfangsmikilli og alþjóðlegri könnun BPG Cohn & Wolfe  í Dubaí.

Þátttakendur í könnuninni voru 12.000 á tólf mörkuðum, þar á meðal í Bretlandi og Bandaríkjunum, Þýskalandi, á Indlandi, í Indónesíu og Sameinuðu arabísku furstadæmunum.

Helstu niðurstöður könnunarinnar eru þær að trúverðugleiki fyrirtækja og vara fyrirtækisins hefur mikið að segja um árangur þeirra á markaði. Mikill meirihluti neytenda (65% þátttakenda) í Sameinuðu arabísku furstadæmunum sögðust frekar kaupa vörur frá fyrirtæki sem þau treysta en öðrum. Þá sögðust margir þátttakendur (68%) halda tryggð við sömu vörumerki.

Á hinn bóginn getur það komið fyrirtækjum afar illa ef þau upplýsa ekki viðskiptavini sína um framleiðslu á vörum sínum og viðskiptahætti. Mikill meirihluti þeirra sem þátt tóku í þessari stóru könnun BPG Cohn & Wolfe (75%) verður fokillur gagnvart framleiðanda matvöru komist þeir að því að hún er framleidd við óviðunandi aðstæður eða ef hreinlætis er ekki gætt.

Geoff Beattie, yfirmaður fyrirtækjasamskipta Cohn & Wolfe, segir að á tímum nútímasamskipta verði fyrirtæki að vera opinská og gagnsæ gagnvart viðskiptavinum sínum. Þau sem ekki geri það og reyni að leyna viðskiptaháttum sínum fyrir neytendum lendi í vandræðum. Hann bendir á að vegna fjármálakreppunnar hafi neytendur frekar varann á gagnvart fyrirtækjum . Neytendur séu orðnir kröfuharðari og farnir að spyrja gagnrýnni spurninga en áður – og krefjist svara.

Af þessum sökum þurfi forsvarsmenn fyrirtækja að vinna að því af meiri krafti en áður að byggja upp trúverðugleika svo neytendur treysti fyrirtækjum þeirra.

Við hjá Cohn & Wolfe stundum nútíma almannatengsl. Þessi þróun á afstöðu almennings kemur okkur ekkert á óvart. Við höfum nefnilega lengi vitað að forvarnir skipta fyrirtækin gríðarlegu máli þegar kemur að almannatengslum. Vertu í sambandi og kynntu þér málin.

Deildu:


Viltu meira? Lestu meira

Hafðu samband

Sendu okkur athugasemd eða fyrirspurn. Ef þú vilt vita meira um efnið eða hefur eitthvað við það að athuga skaltu ekki hika við að hafa samband við okkur. Fylltu út eyðublaðið og sendu okkur línu núna.
Netfangið þitt:
Efni:
Skilaboð:
Hvað er tveir plús tveir (í tölustöfum)?
Allur réttur áskilinn © Cohn & Wolfe Íslandi 2015 | cohnwolfe.com | grey.com | yrgrp.com | wpp.com

Heimilt er að deila og dreifa öllu efni á síðunni sé heimildar getið eða tengill vísi á hana.
Allt efni á síðunnu er á ábyrgð Cohn & Wolfe Íslandi | Meðferð persónuupplýsinga (Privacy Policy) | Kökur (Cookies)